Оҕону олоҥхоҕо уһуйуу
- Подробности
- Опубликовано 02.12.2020 02:42
- Автор: Super User
Бэҕэһээ Ахсынньы ый 2 күнүнгэр Саха Республикатыгар «Олонхо декадатын» чэрчитинэн Республика араас улуустарыгар баар олонхону оҕоҕо уһуйааччылар, олонхо эйгэтигэр үлэлиир үлэһиттэр икки ардыларыгар үлэ опытын, санаа атастаһар, олонхону оҕоҕо үөрэтии сайдыытын тула сэһэргэһэр сыаллаах-соруктаах «Оҕону олоҥхоҕо уһуйуу» республикатааҕы семинар-практикум онлайн zoom платформанан буолан ааста. Тэрийээччилэр: ХИФУ Олоҥхо института, Үөһээ Бүлүүтээҕи Н.И.Бойлохов аатынан оҕо искусство оскуолатын иһинэн үлэлиир Олоҥхо оскуолата.
Семинары аһыллыытыгар Үөһээ Бүлүүтээҕи оҕо искусствотын дьиэтин директора Анатолий Валерьевич Иванов эҕэрдэлээтэ, Филологическай наука кандидата, ыччат олоҥхоһут Юрий Петрович Борисов санаатын сайа этэн олоҥхонон уруйдаата. Семинар үлэтин Үөһээ Бүлүү Кэнтиктээҕи олоҥхо оскуолатын уһуйааччыта Сахаайта Михайловна Мойтохонова иилээн-саҕалаан ыытта, кыттааччыларга дириҥ уопутуттан бэристэ.
Барыта 50-тан тахса Республика араас улуустарыгар баар олонхону оҕоҕо уһуйааччылар, олонхо эйгэтигэр үлэлиир үлэһиттэр кытыннылар. 16 дакылаат ааҕылынна. Биһиги педагогпут «Олук» олоҥко куруһуогун салайааччыта Вера Никитична Старкова «Оҕону дьиэ кэргэҥҥэ сахалыы тыыҥҥа иитиигэ олоҥхо оруола» диэн дакылаатынан кыттан бэйэтин уопутун кэпсээтэ. Кыттааччылар Вера Никитична «Олоҥхо тылынан оҕо тылын сайыннарыы» пособиетын үлэлэригэр киэҥник тутта сылдьалларын, салҕыы таһааран тарҕатарыгар баҕа санааларын эттилэр.
Семинар - практикум үлэтэ үрдүк таһымҥа ааста, элбэҕи биллибит диэн кыттааччылар астына бэлиэтээтилэр. Үлэ түмүгүнэн резолюция ылыллан салҕыы бары тутуспутунан үлэлииргэ, уопут атастаһыытыгар анаан онлайн үөрэҕи тэрийиэххэ диэн биир санааҕа кэллилэр.
